Kiçik və Orta Biznesin İnkişafı Agentliyinin (KOBİA), Azərbaycan Respublikasının Türkiyə Respublikasındakı Səfirliyi və İzmir Ticarət Odasının tərəfdaşlığı, Kiçik və Orta Biznes Subyektləri və Klublarının Assosiasiyasının (KOBSKA) təşkilatçılığı ilə 18-19 aprel tarixlərində baş tutan tədbirdə 50-ə yaxın KOB subyekti iştirak edib. Layihə çərçivəsində KOB subyektlərinin qarşılıqlı təcrübə mübadiləsi aparmasına dəstək, yeni əməkdaşlıqların qurulması, xarici bazara satış etmək imkanları və investisiya imkanlarının araşdırılması ön planda olmuşdur. Qeyd edək ki, Avrora Qrupun ötən ilin noyabr ayında keçirilən “İş dünyası – 100 Yılın Zirvesi 2” layihəsində də iştirak etmişdir.